ಮನೆಯಲ್ಲಿ ಮಕ್ಕಳು ಪಿಯುಸಿ ಪಾಸ್ ಆದ ತಕ್ಷಣ, ಪೋಷಕರಿಗೆ ಶುರುವಾಗುವ ಅತಿದೊಡ್ಡ ಟೆನ್ಷನ್ ಅಂದರೆ “ಮುಂದೇನು?” ಅಲ್ವಾ? ಕೈಯಲ್ಲಿ ಲ್ಯಾಪ್ಟಾಪ್ ಅಥವಾ ಮೊಬೈಲ್ ಹಿಡಿದುಕೊಂಡು ಯಾವ ಕೋರ್ಸ್ ಬೆಸ್ಟ್, ಎಲ್ಲಿ ಅಡ್ಮಿಷನ್ ಮಾಡಿಸಬೇಕು ಅಂತ ಹುಡುಕಿ ಹುಡುಕಿ ಸುಸ್ತಾಗಿದ್ದೀರಾ? ಪಕ್ಕದ ಮನೆಯವರು ಇಂಜಿನಿಯರಿಂಗ್ ಅಂದ್ರು, ಸಂಬಂಧಿಕರು ಮೆಡಿಕಲ್ ಅಂದ್ರು ಅಂತ ಕನ್ಫ್ಯೂಸ್ ಆಗಬೇಡಿ. ನಿಮ್ಮ ಮಕ್ಕಳ ಭವಿಷ್ಯ ರೂಪಿಸಲು ಯಾವೆಲ್ಲಾ ದಾರಿಗಳಿವೆ ಎಂಬ ಕಂಪ್ಲೀಟ್ ಡೀಟೇಲ್ಸ್ ಇಲ್ಲಿದೆ.
ಪಿಯುಸಿ (12ನೇ ತರಗತಿ) ಎಂಬುದು ವಿದ್ಯಾರ್ಥಿಗಳ ಜೀವನದ ಅತಿದೊಡ್ಡ ಟರ್ನಿಂಗ್ ಪಾಯಿಂಟ್. ಇಲ್ಲಿ ತೆಗೆದುಕೊಳ್ಳುವ ನಿರ್ಧಾರವೇ ಅವರ ಮುಂದಿನ 40 ವರ್ಷಗಳ ಬದುಕನ್ನು ನಿರ್ಧರಿಸುತ್ತದೆ. ಹಾಗಾದರೆ, ವಿಜ್ಞಾನ, ವಾಣಿಜ್ಯ ಮತ್ತು ಕಲಾ ವಿಭಾಗದ ವಿದ್ಯಾರ್ಥಿಗಳಿಗೆ ಇರುವ ಬೆಸ್ಟ್ ಅವಕಾಶಗಳು ಯಾವುವು? ಇಲ್ಲಿದೆ ನೋಡಿ ಮಾಹಿತಿ.
ವಿಜ್ಞಾನ (Science) ವಿಭಾಗದ ವಿದ್ಯಾರ್ಥಿಗಳಿಗೆ:
ಇಂಜಿನಿಯರಿಂಗ್ ಮತ್ತು ಮೆಡಿಕಲ್ ಜೊತೆಗೆ ಇನ್ನೂ ಹಲವು ಅತ್ಯುತ್ತಮ ದಾರಿಗಳಿವೆ. (ಪ್ರವೇಶ ಪರೀಕ್ಷೆಗಳು: CET, NEET, JEE)
ವೈದ್ಯಕೀಯ (Medical & Healthcare):
- ಎಂಬಿಬಿಎಸ್ (MBBS),
- ಬಿಡಿಎಸ್-ಡೆಂಟಲ್ (BDS),
- ಬಿಎಎಂಎಸ್-ಆಯುರ್ವೇದ (BAMS),
- ಬಿಎಚ್ಎಂಎಸ್-ಹೋಮಿಯೋಪತಿ (BHMS),
- ಬಿ.ಫಾರ್ಮ್/ಡಿ.ಫಾರ್ಮ್ (B.Pharma/D.Pharma),
- ಬಿಎಸ್ಸಿ ನರ್ಸಿಂಗ್ (Nursing),
- ಪ್ಯಾರಾಮೆಡಿಕಲ್ ಕೋರ್ಸ್ಗಳು.
ಇಂಜಿನಿಯರಿಂಗ್ (Engineering):
- ಬಿ.ಇ (B.E), ಬಿ.ಟೆಕ್ – IIT/NIT/State (B.Tech),
- ವಾಸ್ತುಶಿಲ್ಪ (B.Arch),
- ಇಂಜಿನಿಯರಿಂಗ್ ಡಿಪ್ಲೊಮಾ (Diploma in Engg.),
- ಇಂಟಿಗ್ರೇಟೆಡ್ ಎಂ.ಟೆಕ್ (Integrated M.Tech).
ಶುದ್ಧ ವಿಜ್ಞಾನ & ಕೃಷಿ:
- ಬಿಎಸ್ಸಿ (B.Sc Science), ಇಂಟಿಗ್ರೇಟೆಡ್ ಎಂಎಸ್ಸಿ (Integrated M.Sc),
- ಕೃಷಿ ವಿಜ್ಞಾನ (B.Sc Agriculture).
ವಾಣಿಜ್ಯ (Commerce) ಮತ್ತು ಮ್ಯಾನೇಜ್ಮೆಂಟ್ ವಿದ್ಯಾರ್ಥಿಗಳಿಗೆ:
ಲೆಕ್ಕಾಚಾರ, ಬ್ಯಾಂಕಿಂಗ್ ಮತ್ತು ಬ್ಯುಸಿನೆಸ್ ಕ್ಷೇತ್ರದಲ್ಲಿ ಮಿಂಚಲು ಇವು ಬೆಸ್ಟ್.
ಪ್ರೊಫೆಷನಲ್ ಕೋರ್ಸ್ಗಳು (ಫೈನಾನ್ಸ್):
- ಸಿಎ (CA – Chartered Accountant),
- ಸಿಎಸ್ (CS – Company Secretary),
- ಐಸಿಡಬ್ಲ್ಯುಎ/ಸಿಎಂಎ (ICWA/CMA – Cost Accountant),
- ಸಿಎಫ್ಎ (CFA).
ಮ್ಯಾನೇಜ್ಮೆಂಟ್ & ಡಿಗ್ರಿ:
- ಬಿ.ಕಾಂ (B.Com), ಬಿಬಿಎ / ಬಿಬಿಎಂ (BBA/BBM),
- ಬ್ಯಾಂಕಿಂಗ್ ಮತ್ತು ಫೈನಾನ್ಸ್. ಬಿಬಿಎ ನಂತರ ಎಂಬಿಎ (MBA) ಮಾಡಿ, ಬಳಿಕ ಸಿಎ ಕೂಡ ಮಾಡಬಹುದು.
- ಬಿಸಿಎ (BCA – ಕಂಪ್ಯೂಟರ್ ಅಪ್ಲಿಕೇಶನ್) ಕೂಡ ಕಾಮರ್ಸ್ ವಿದ್ಯಾರ್ಥಿಗಳಿಗೆ ಲಭ್ಯವಿದೆ.
ಕಲಾ (Arts / Humanities) ವಿಭಾಗದ ವಿದ್ಯಾರ್ಥಿಗಳಿಗೆ:
ಆರ್ಟ್ಸ್ ಓದಿದವರಿಗೆ ಸರ್ಕಾರಿ ನೌಕರಿ ಮತ್ತು ಸೃಜನಶೀಲ ಕ್ಷೇತ್ರಗಳಲ್ಲಿ ವಿಪುಲ ಅವಕಾಶಗಳಿವೆ.
ಡಿಗ್ರಿ ಕೋರ್ಸ್ಗಳು:
- ಬಿ.ಎ (B.A – Arts/Humanities),
- ಬಿಎಸ್ಡಬ್ಲ್ಯೂ-ಸಮಾಜ ಕಾರ್ಯ (BSW),
- ಲಲಿತ ಕಲೆ (BFA – Fine Arts).
- ವೃತ್ತಿಪರ ಕೋರ್ಸ್ಗಳು:
- ಪತ್ರಿಕೋದ್ಯಮ ಮತ್ತು ಸಮೂಹ ಸಂವಹನ (Journalism & Mass Comm.),
- 5 ವರ್ಷದ ಕಾನೂನು ಪದವಿ (LLB).
ರಕ್ಷಣಾ ವಲಯ (Defence) – ದೇಶ ಸೇವೆ ಮಾಡಲು:
ಸೈನ್ಯ ಸೇರಬೇಕೆಂಬ ಕನಸಿದ್ದರೆ 12ನೇ ತರಗತಿ ನಂತರ ಈ ಪರೀಕ್ಷೆಗಳನ್ನು ಬರೆಯಬಹುದು:
- ಎನ್ಡಿಎ (NDA – Army/Navy/Air Force),
- ಟೆಕ್ನಿಕಲ್ ಎಂಟ್ರಿ ಸ್ಕೀಮ್ (Technical Entry Scheme),
- ಸೋಲ್ಜರ್ ಎಂಟ್ರಿ (Soldier Entry).
- ಡಿಗ್ರಿಯ ನಂತರ CDS ಮತ್ತು AFCAT ಬರೆಯಬಹುದು.
ಬೋಧನಾ ಕ್ಷೇತ್ರ (Teaching) – ಶಿಕ್ಷಕರಾಗಲು:
- ಡಿ.ಇಡಿ / ಬಿ.ಇಎಲ್.ಇಡಿ (D.Ed / B.El.Ed),
- ಬಿಟಿಸಿ (BTC / D.El.Ed), ಬಿ.ಇಡಿ (B.Ed).
- ಭವಿಷ್ಯದಲ್ಲಿ ಪ್ರಾಧ್ಯಾಪಕರಾಗಲು CTET/STET, UGC NET ಪರೀಕ್ಷೆಗಳ ಮೂಲಕ Assistant Professor ಆಗಬಹುದು.
ಕ್ರಿಯೇಟಿವ್ / ಡಿಪ್ಲೊಮಾ / ಇತರೆ ಕೋರ್ಸ್ಗಳು:
ಭಿನ್ನವಾಗಿ ಏನಾದರೂ ಸಾಧಿಸುವ ಛಲ ಇದ್ದರೆ:
- ಹೋಟೆಲ್ ಮ್ಯಾನೇಜ್ಮೆಂಟ್ (Hotel Management),
- ಫ್ಯಾಷನ್ ಡಿಸೈನಿಂಗ್ (Fashion Designing),
- ಅನಿಮೇಷನ್ ಮತ್ತು ವಿಎಫ್ಎಕ್ಸ್ (Animation & VFX),
- ಪೈಲಟ್ ಟ್ರೈನಿಂಗ್ (CPL – Commercial Pilot License).
12ನೇ ತರಗತಿ ನಂತರದ ಕೋರ್ಸ್ಗಳ ಸಂಪೂರ್ಣ ಮೆಗಾ-ಟೇಬಲ್
| ಕ್ಷೇತ್ರ (Field) | ಲಭ್ಯವಿರುವ ಎಲ್ಲಾ ಕೋರ್ಸ್ಗಳು (All Courses) |
|---|---|
| ಇಂಜಿನಿಯರಿಂಗ್ (Engg) | B.E, B.Tech, B.Arch, Diploma in Engg, Integrated M.Tech |
| ವೈದ್ಯಕೀಯ (Medical) | MBBS, BDS, BAMS, BHMS, B.Pharma/D.Pharma, Nursing (B.Sc), Paramedical |
| ಡಿಗ್ರಿ & ಪ್ರೊಫೆಷನಲ್ | B.Sc, B.A, B.Com, BBA, BCA, BFA, BSW, CA, CS, ICWA/CMA, CFA, LLB |
| ಡಿಫೆನ್ಸ್ & ಟೀಚಿಂಗ್ | NDA, Tech Entry, Soldier Entry, D.El.Ed/BTC, B.Ed, D.Ed |
| ಇತರೆ (Others) | Hotel Mgmt, Fashion Designing, Journalism, Animation & VFX, Pilot Training, B.Sc Ag |
ನಮ್ಮ ವಿಶೇಷ ಸಲಹೆ: ಪೋಷಕರಲ್ಲಿ ನಮ್ಮದೊಂದು ವಿನಂತಿ. ನಿಮ್ಮ ಆಸೆಗಳನ್ನು ಮಕ್ಕಳ ಮೇಲೆ ಹೇರಬೇಡಿ. ಮೇಲಿನ ಪಟ್ಟಿಯನ್ನು ನಿಮ್ಮ ಮಕ್ಕಳಿಗೆ ತೋರಿಸಿ, “ನಿನಗೆ ಇದರಲ್ಲಿ ಯಾವುದು ಇಷ್ಟ? ನಿನ್ನ ಆಸಕ್ತಿ (Interest) ಯಾವ ವಿಷಯದಲ್ಲಿದೆ?” ಎಂದು ಕೇಳಿ. ಇಂದು ಸಾಂಪ್ರದಾಯಿಕ ಡಿಗ್ರಿಗಳಿಗಿಂತ, ಕೌಶಲ್ಯ ಆಧಾರಿತ (Skill-based) ಕೋರ್ಸ್ಗಳಾದ ಅನಿಮೇಷನ್, ಫ್ಯಾಷನ್ ಡಿಸೈನಿಂಗ್, ಪ್ಯಾರಾಮೆಡಿಕಲ್ ಅಥವಾ ಹೋಟೆಲ್ ಮ್ಯಾನೇಜ್ಮೆಂಟ್ ಮಾಡಿದರೆ ತಕ್ಷಣವೇ ಕೈತುಂಬಾ ಸಂಬಳದ ಕೆಲಸ ಸಿಗುತ್ತದೆ.